其實修頓場只係座得二千人，阿裕夠膽講呢場決賽就算有多一倍座位，一樣可以坐爆！因此，場地確實係香港籃球嘅死症，點解除咗紅館之外，就連一個能夠坐到五千人嘅籃球館都冇？要知道球迷係球類賽事嘅重要資產，缺乏優質場地就等於扼殺緊香港籃球發展。
「走鬼式」訓練點會好
再者，香港籃球代表隊及各球會，就連想要一個固定訓練場地都冇，為操練經常要穿梭港九新界，試問訓練效果又點會理想。政府規定要攞到獎牌先將該運動列為精英項目，向其撥款發放資源，但試問冇資源又點會提升成績去攞牌？結果只會係一個惡性循環。
有線ＮＢＡ評述員 蔡芳裕