日本望奪標沖喜

今年日本隊承受着地震嘅傷痛來港，心情跟以往不同，但昨日大部分成員操練時均面露笑容，輕鬆備戰，教練村田亙解釋：「因為我們都真正熱愛欖球，希望在港努力爭標，忘記傷痛。」這支亞運「7欖」金牌得主更視銀盃冠軍為最終目標，期望化傷痛為力量，奪標為國家沖喜。

翻查日本隊在「7欖」往績，共得兩次銀碟同一次銀碗錦標，但對上一次已係99年喺銀碟掄元。為咗悼念遇難者，日本隊員會臂纏黑紗上陣，大會亦宣布會喺周日銀盃決賽前，全場進行一分鐘默哀。

至於去年喺「第四級獎項」銀盾奪冠嘅香港隊，華人主將姚錦成表示，今年目標係殺入銀碗決賽：「亞運後我們狀態甚弗，有信心在小組賽擊敗威爾斯。」

另外，昨在港出席欖球交流活動嘅南非名宿Morne du Plessis，認為南非隊剛喺上站巡迴賽美國站奪冠，狀態大勇，但新西蘭、澳洲等都係實力分子。