認住呢對兄弟兵
香港欖球隊喺今屆賽事將以一對兄弟兵作主打，佢哋就係A希恩斯同E希恩斯，年僅21歲嘅A希恩斯係細佬，不過佢已經4度出席「七欖」，今次仲做埋隊長，反而22歲嘅大佬E希恩斯只係初次入選，兩兄弟終於有機會喺大球場拍住上。
A希恩斯年紀輕輕但經驗豐富，佢話今次兩兄弟一齊代表香港出戰，係家族嘅榮幸：「今屆賽事係我家族嘅大事，我兩兄弟喺球場拚搏，我哋嘅父母，仲有好多親戚朋友都會喺背後大力支持我哋。」
昨日公布名單後，希恩斯兄弟嘅父母都有到場打氣。希恩斯兄弟首次一齊征戰「七欖」，但其實佢哋喺事業上亦係兄弟檔，兩兄弟合力開咗間健身公司，齊齊搵食。