紐約收埋私生子 安東尼做人有因！
「甜瓜」安東尼如願過檔紐約人，大部分球迷都以為佢係想返家鄉打波，先非紐約人不去，但日前有傳媒收到風，爆安東尼原來喺紐約收埋另一頭住家，仲有一個11個月大嘅私生子添！
據網站《terezowens.com》爆料，安東尼上年所以願意結束愛情長跑同拉娜結婚，係因為畀女友發現佢喺出面偷食，拉娜當時同「甜瓜」攤牌，一係就即刻結婚，一係就分手。最終安東尼選擇結婚，但據消息透露，安東尼出面嘅女人已為佢誕下一子，現時兒子亦已有11個月大，現居於紐約，所以「甜瓜」咪死都要轉去紐約，一盡爸爸責任囉！