大賽球員 爭標元素
不過，經過多場比賽，阿裕嘅憂慮已經一掃而空，安東尼極速融入球隊，大大減輕史杜迪米亞嘅得分重任，讓後者有更多時間去專注搶板及防守。至於老將比立斯加盟後亦做到穩定軍心嘅作用，令紐約人較季初表現得更為成熟。
一直盛傳紐約人季後有可能裁掉高薪嘅比立斯，以騰出薪酬空間再簽一名巨頭爭標。但阿裕就奉勸紐約人一定要同呢位Mr.Big Shot續約，皆因比立斯除咗係一名具級數嘅指揮官外，亦具大賽經驗，須知季後賽必須有一兩位大賽球員先能夠染指總冠軍。紐約人大可同比立斯傾一傾減薪，相信只要有誠意，以及球隊具備爭標本錢，比立斯會願意留低。