【本報綜合報道】首場在歐洲舉行嘅ＮＢＡ常規賽籃網對速龍，香港時間周六凌晨在英國倫敦O2體育館開打。ＮＢＡ總裁史端及籃網班主普羅霍羅夫賽前均表示興奮，全因ＮＢＡ終於打入歐洲版圖，財源自然滾滾來。不過兩軍球員舟車勞頓，賽前都大吐苦水，速龍巴格蘭尼更高呼以後咪搞！ （香港時間周六凌晨４時開賽）
ＮＢＡ總裁史端一直希望擴展ＮＢＡ版圖，所以近年已將多場季前賽，移師至海外如亞洲及歐洲等城市上演，不過常規賽在歐洲舉行則屬首次。籃網高層查理亞賽前表示，很高興籃網有機會為ＮＢＡ向全球球迷展示品牌魅力。
不過，球員周圍撲就唔係咁過癮，除巴格蘭尼高呼咪搞外，籃網迪倫威廉士表示：「呢幾日實在飛得太多，好辛苦。」兩軍分別在周六及周日凌晨，連續兩日對壘。