好似早幾日就發生咗一單「義犬救主」真人真事，話說無論我練波、教波後有幾攰，夜晚返到屋企都總會帶「薯仔」出街散步。平日我哋行開嘅路都好僻靜，但嗰日就突然閃出兩隻唐狗，仲兇神惡煞咁向我衝過嚟，我當時覺得不妙，本來已走遠嘅「薯仔」發現我有危險，即刻掉頭飛奔過來同「敵狗」對峙，仲展開一輪吠叫，最後勇猛地嚇走「敵狗」，嗰一刻，我真係好鬼感動呀！
講番明星賽，「薯仔」都睇到眉飛色舞，我亦在此讚吓Kobe，其實佢一開波已好認真，唔似一貫明星賽咁表演性質「玩玩吓」，最後集天時、地利、人和，贏波兼做MVP，Kobe你係得嘅！
有線ＮＢＡ評述員蔡芳裕