【本報綜合報道】第二年參與全明星賽嘅杜蘭特，亦屬今屆明星賽另一亮點，全場23次起手入11球貢獻34分，得分只係僅次於ＭＶＰ高比拜仁。呢位「雷霆救兵」今場在三分線上起手次數多達11次，平了雷阿倫在05年所創嘅明星賽紀錄，似乎杜蘭特在三分賽包尾後，真係好想證明自己係識射三分。
只係明星賽「二年生」嘅杜蘭特，今場聯同「師兄」高比拜仁合共為西岸攻入71分，成為60屆明星賽中，得分最驚人嘅組合，此前米高佐敦與韋健士曾經在88年合共攻入69分。其實杜蘭特與高比仔都係所屬球隊嘅頭號得分點，所以兩人今場能夠配合完美，都令不少人大跌眼鏡。
不過，杜蘭特賽後就話對高比仔有多少「失望」，皆因佢認為戰神今場有能力打破張伯倫在62年所創下嘅42分明星賽最高得分紀錄，可惜高比最終只得37分，未能寫上史冊。杜蘭特早前在「周末派對」三分賽已率先登場，可惜表現就認真羞家，初賽僅得6分包尾，難怪尋日足足在三分線上起手11次之多入４球，平了雷阿倫在05年所創嘅明星賽三分球起手次數紀錄。