今屆半馬拉松男子組冠軍，肯尼亞裔的選手基寶迪（Thomas Kiprotich）喜事重重，勇奪冠軍之餘又將增添新的家庭成員。他賽後接受訪問時稱：「我太太應該今日生得，所以我一路跑一路都諗住太太，希望可以快啲返屋企接佢去醫院。我覺得呢種快樂比贏賽事更開心，呢個可謂我嘅『winner baby』。」
基寶迪已移居香港三年，去年亦曾參加比賽並獲得第五名，他又謂：「今年贏咗好開心，下年可能轉玩全馬。我經常去沙田同大嶼山練跑，但香港天氣成日又熱又濕，唔太適合長跑，不過今日天氣算係幾好。」
