大哨受勳幫手搞世盃

「大哨」朗拿度宣布結束職業生涯後,巴西聖保羅州政府及巴西足總為表揚佢嘅成就,特別為佢舉行咗一個頒獎儀式,向佢頒授聖保羅州體育功勳獎章。

雖然「大哨」退役,但佢曾經係世界上其中一位最受歡迎嘅球星,影響力仍然存在,因此,聖保羅市世界盃組委會決定搵佢做「生招牌」,委任佢擔任特殊成員,協助巴西推廣及籌辦2014年世界盃決賽周,希望能夠為巴西世界盃組委會吸引更多贊助商同資金。