過江女神：佳節訂終身 相愛又相親
噚日正月十五，係中國情人節，古時嘅深閨怨女，一定會夜蒲燈會，乘機物色心頭好，時至今日，男女交往真係易如反掌，但竟然亦有囡囡會去燈會識男仔，呢位咁特別嘅囡囡，仲話如果搵到如意郎君，定會捉佢哋返屋企私訂終身。
大獻殷勤
呢位唔知形容佢係傳統定係開放嘅囡囡，係嚟自十×桑拿嘅樂樂，阿妹今年啱啱20歲，十分年輕，明顯係90後嘅囡囡，照計對呢啲傳統玩意冇乜嘢興趣，點解佢又會咁熱衷逛燈會呢？樂樂話：「自己細個時，屋企管教得好嚴，十五歲前都唔畀一個人去夜街，話說第一次夜蒲就係去燈會，嗰度十分熱鬧，除咗有玩有食之外，仲有好多帥哥，而且十分主動，一見到我就會走埋嚟大獻殷勤，趕都唔走。」
樂樂咁靚女，單身出遊，啲男仔當然唔會放過，咁第一次一共識到幾多個男仔呢？樂樂話：「一共識咗六個，年齡由十五歲到三十五歲都有。」之後有冇發展呢？樂樂話：「冇呀！攞晒電話但一個都冇覆佢哋，到第二年開始，我就冇咁笨啦！」
一箭雙鵰
樂樂話自己唔再漁翁撒網，改變策略重點出擊，行咗成晚一共搵到三個帥哥，之後再同佢哋慢慢發展，但後來發現，慢慢發展真係比較慢，於是第三年嘅元宵開始，只重點搵一個埋手，只要畀佢睇中，就即晚約佢闢室談心，跟手就私訂終身。
點解要咁急呢？樂樂話：「家陣啲男仔好易變心，如果你唔畀啲刻骨難忘嘅經驗畀佢哋，啲男仔好快就會消失得無影無蹤，如果喺元宵佳節晚上，暗下私訂終身，男仔會比較珍惜，舊年個男仔就可以維持到六個月。」咁今年又有冇行動呢？樂樂話：「當然有，但比較辛苦，因為一晚遇到兩個好啱心水嘅男仔，於是……」一晚搞掂咗兩個，呢個樂樂真係唔講得笑，下次逛元宵，不妨留意有冇樂樂出現呀！
樂樂Profile
年齡：20歲
三圍：34-22-33
興趣：逛燈會
撰文：小德 攝影：阿昌