NBA節目多互動
今次廣州之行，主要同一名行家到電視台評述NBA，老實講，見識過人哋嘅節目之後，真係有多少慚愧。首先，原來內地觀眾比香港幸福得多，廣東同廣州電視台基本上每日都會直播NBA賽事，而廣州嘅NBA節目講求互動，球迷除咗可用手機短訊方式參與有獎遊戲之外，亦能夠上微博同主持人及評述員討論賽事，最令我意外係廣州球迷原來非常「識波」，大部分問題極具水準，幾蝦人答o架。
難得再到五羊城，阿裕都有周圍逛逛，最大發現當然係搞完亞運後嘅廣州，整體市容真係唔同晒，建築物美倫美奐，地方又夠乾淨，而體育設施又增加唔少，讓人有一種清新舒服嘅感覺。所以香港人係咪應該要細心諗一下，搞亞運所帶來嘅好處呢！