唔經唔覺今季ＮＢＡ常規賽已經打咗半程，季前未獲睇好嘅馬刺仍坐穩聯盟一哥寶座，確令不少球迷大跌眼鏡。不過，阿裕認為下半季將屬於「紫金兵團」湖人天下，湖人踏入新年後表現脫胎換骨，近九場贏八場，已走出早前低潮，只要中鋒拜林及高比拜仁兩位「容易受傷的男人」繼續保持健康，湖人整體實力始終在聯盟中最為雄厚，而且最有冠軍相。
講開湖人，又想講吓香港班霸永倫今季嘅目標同湖人不約而同，都係要爭取第二個「三連霸」！永倫在○○至○二年稱霸球壇，奪得球會史上首個三連霸，而近兩季亦能順利奪冠，情況真係同湖人真係一模一樣！
若然永倫今季能再下一城，就能打破香港籃壇紀錄，成為首支兩度取得三連霸嘅球隊。永倫今季人腳未有大變動，依然坐擁多名香港隊成員如潘志豪、方誠義及香振強等，可以話同湖人一樣，夠晒實力稱霸！
有線ＮＢＡ評述員 蔡芳裕