球星成功背後點少得佢哋？
雖然每位球星上到場都靠自己努力爭勝，但其實他（她）們背後都有一班「幕後功臣」支持着。今年「香港網球精英賽」的3位女球手，包括「大威」V威廉絲、「世界二姐」施禾娜莉娃，以及中國金花李娜，她們身邊也有個非常重要的人。
李娜背後 老公姜山做埋教練
「中國一姐」李娜一路與丈夫姜山以「夫妻檔」拍住上，有最了解自己的老公做教練，有時仲會充當「出氣袋」角色，令到「娜姐」事業近呢兩年穩步上揚。至於「娜姐」原本嘅瑞典籍教練托馬斯，去年就被俄羅斯美女舒拉寶娃高薪撬走。
二姐背後 兩大俊男常伴左右
「世界二姐」施禾娜莉娃有兩大猛男在背後撐腰，教練Sergey和物理治療師Gijs都係型男一族，就連同胞姬莉蘭歌看到Sergey的模特兒照，也大呼「靚仔」。
大威背後 富貴威媽貼身照顧
V威廉絲的「母親大人」經常陪兩個女世界各地周圍飛，今次來港狂Show滿手金器，派頭十足。「大威」練波時佢會幫手執波，賽後兩母女更會一齊四出血併，最終當然是滿載而歸啦！
