【本報綜合報道】湖人昨日在喺主場以一○二比九十八擊敗76人，常規賽二連勝，已逐漸走出低潮，不過教練「禪師」積遜卻在賽後宣布教埋今季鐵定離開湖人！
其實積遜在近兩季已經多番透露有意離隊，或者選擇退休，多少因為年紀漸大精力有限，無法應付漫長嘅NBA球季。「禪師」又表示：「冇錯，我確定今季係最後一季在湖人執教，我已經在這支球隊執教了太耐，而我亦已經完成了我嘅任務，所以亦係時候功成身退。」
「禪師」在九九年接掌湖人，期間帶領「紫金兵團」五奪總冠軍，成為球會史上最偉大教練之一。不過，湖人上季與積遜在續約上出現分歧，湖人唔願意再付高薪畀積遜，令後者一度意興闌珊。據悉積遜離開湖人後，有可能就此退休享清福，但亦有傳如果佢身體仲撐得住，或有可能轉教熱火再創事業高峰。至於高比拜仁對於恩師離隊則不願置評，並表示只想專心為球隊爭取三連霸。
89年 由助教提升至公牛主教練
91-98年 8季內帶領公牛6奪總冠軍
99-04年 轉任湖人主帥，期間締造3連霸
04年 辭職離開湖人
05-11年 再教湖人，近兩季再奪2連霸