今年擸走三個大滿貫錦標嘅世界網壇「一哥」拿度，年尾攞獎攞到手軟，尋日又當選歐洲最佳運動員，繼08年後再度捧走呢項榮譽。講開呢位西班牙天王，球迷一定見過佢比賽時，每逢發球都會拉一拉底褲，拿度媽媽最近就爆愛兒呢個「怪癖」嘅秘密，原因並唔係底褲尺碼太細，而係拿度每逢緊張都會咁做，大家以後見到拿度扯褲次數愈多，就表示佢愈緊張嘞。