事關呢位34歲巴西球星本月初經過DNA鑑定，至認番已經5歲大嘅阿萊斯係佢親生仔，原來阿萊斯係「大哨」年前喺東京同一個巴西女子鬼混時「播種」嘅，佢認番阿萊斯後，已接咗呢個「細仔」返巴西跟佢住。
兩仔兩女夠晒數
「大哨」就話佢依家有兩個仔兩個女，已經夠晒數：「我一直希望有好多小朋友，依家已經實現咗夢想，所以我決定做絕育手術。」
「大哨」嘅四個仔女分別係10歲大仔小朗拿度、5歲細仔阿萊斯、兩歲大女索菲亞同9個月大細女愛麗斯。由於大仔同兩個囡囡都喺4月出世，「大哨」更計劃明年4月搞個超豪嘅「仔女生日大派對」賀吓添！