貝碧托夫：出年咪預我

伊度奧四膺非洲最佳

事實上，貝碧托夫身為保加利亞國家隊史上入球最多球員，於該國球壇地位已經唔需要用獎項去證明，佢喺五月退出國家隊後，已疊埋心水為紅魔鬼搏殺，揚言留効曼聯至退休為止。

另一邊廂，國際米蘭射手伊度奧力壓杜奧巴及基恩，當選為今年非洲足球先生，成為史上首位四次獲此殊榮嘅球員。伊度奧今年度過豐盛一年，協助國米奪得意甲、意大利盃、意大利超級盃、歐聯及世冠盃冠軍，當選非洲足球先生絕對實至名歸。

至於世界盃八強分子加納成為今年最佳非洲國家隊，世冠盃亞軍馬贊比順理成章成為最佳球會，前加納國家隊領隊拉積華斯則當選最佳教練。