阿仙奴韋舒亞可謂新世代「壞孩子」，早前曾經爆出背住女友偷食，又試過喺夜總會傷人被警方扣查。最近佢因為同的士司機發生口角而再次被警方問話。據悉韋舒亞諗住搭的士返屋企，點知「矇查查」上咗部冚旗的士，的士司機叫佢坐過另一部。但佢突然間發火，喺車廂瘋狂爆粗鬧司機拒載，及後警方介入，但未知會否提出檢控。