近日意大利傳媒爆料，指09年2月德甲波琴勝科特布斯3:2一役，有球員表示未開波前已收到「柯打」要開呢個比數。目前有關方面已展開調查，但兩軍都話冇做過，科特布斯教練禾列斯表示：「呢場我哋輸波，季尾仲降埋班添，降班對球會打擊好大，我哋又點會咁做？」德國足球聯盟表示，意大利方面如冇確實證據，就唔應該亂噏。