大家好，小弟今日首度同各位東方讀者見面，心情既激動又緊張。叫得做「大裕言」，阿裕當然會用盡教練、球員、球評家及球迷等多個身份，為讀者提供多角度分析ＮＢＡ，希望「裕」言幫到手！
近日正參透「股神」巴菲特嘅「價值投資法」，發覺可套在ＮＢＡ預測上。火箭季初戰績低沉，主要受着三大因素影響。首先，姚明傷患斷斷續續，又受「24分鐘時限」困擾，教練阿杜文根本未能全心全意運用呢位中鋒。第二，控衞布魯克斯受傷，令阿杜文一心引入嘅小球戰術未能發揮成效。最後係一眾新加盟球員仍未融入球隊，磨合度唔達標。
不過，火箭嘅內在價值唔差，奇雲馬田愈打愈好，上場對騎士轟入今季新高40分，已證明其身價，而史高拉則保持世錦賽佳態。還有路維嘅崛起，若然姚明與布魯克斯能夠傷愈嘅話，火箭肯定能為大家帶來不少回報。
提醒大家，火箭十二月份賽程易打，預期可「升空」，將戰績提升至50%勝率！聽朝在主場對態沉帝王，讓分唔多係阿裕信心之選，相信能夠輕鬆取勝。
前香港隊中鋒蔡芳裕