世界網壇「一哥」拿度喺倫敦舉行嘅ATP年終賽，以7比5及6比2擊退受眼睛唔舒服而影響發揮嘅祖高域，今同「蘭度二世」博迪克對壘爭取三連勝。（now 636周五晚上10時及周六凌晨4時直播）另外，「細威」S威廉絲腳傷手尾長，尋日宣布將缺席明年一月嘅澳洲網球公開賽。「細威」今年七月被玻璃弄傷腳，近月更因心急復出而加劇傷勢。