烏茲別克再爆禁藥醜聞！亞奧理事會尋日宣布今屆亞運出現第二宗禁藥事件，違規國家同是係來自首宗嘅烏茲別克。烏國摔跤選手賈漢吉爾穆米諾夫嘅尿液樣本被驗出含有違規嘅甲基己胺，被取消資格，一切成績宣布無效。他亦巧合地同之前違規嘅選手同姓「穆米諾夫」。
港隊尋日喺保齡球男子精英賽未能增添獎牌，兩名香港代表曾德軒和麥卓賢只以總成績3310分和3237分排第15、16位。香港保齡球隊喺今屆嘅賽事全部結束，獲得一面男子五人賽銅牌，大軍今日返港。