據英國《每日郵報》爆料，曼聯將以50萬鎊（約618萬港元）簽入列斯聯新星傑比，據聞此子跑一百米只需十一秒，真係快到冇朋友。
曼聯經過一年半斟介後，終於擊敗車路士及利物浦等對手搶得傑比，轉會費只需五十萬鎊，勢成球會極速飛人！其實近日亦有消息指牙買加飛人保特亦向「紅魔鬼」送秋波，佢計劃三十歲轉行踢波，仲自爆夢想成為曼聯球員，希望同朗尼並肩作戰喎！