據報道指出，艾佛遜近年已開始出現經濟危機，甚至乎有負債，所以為咗養家，根本唔能夠退休。據一位NBA球隊高層透露，艾佛遜嘅家人上季就曾經詢問過佢能否為「AI」提供一紙合約，因為昔日呼風喚雨嘅戰神正欠人錢，因而顯露艾佛遜備受財困。
雖然艾佛遜一再表明，去歐洲打波並非為錢，但以其高傲性格，要屈就到歐洲打波的確較令人意外，再者艾佛遜已多番作出退休言論，如今再度復出，難免令人聯想到與錢字有關。另一方面，有指艾佛遜喺土耳其嘅生活亦唔如意，因為土耳其人大多重視足球活動，所以艾佛遜在當地嘅人氣，甚至比唔上一名二線足球員。