貪靚女車神鬥晒美甲
激戰過後兩位「愛美女車神」李慧詩（Sarah）及黃蘊瑤（Jamie）即要為自己裝扮一下，為十隻手指甲塗上「靚靚衣裳」，香港「亞運第一金」的李慧詩更話回港後立即要「剪個靚髮」。
自從場地單車賽結束後，李慧詩終於可為自己「扮靚靚」，Sarah稱：「難得這幾天不用比賽，可放假輕鬆一下，所以特別到選手村做美甲，我揀了藍色做底再加銀點，足足整了一個小時。」
其實，選手村裏面都有髮廊，但Sarah卻因不知水準如何而不敢幫襯：「回港後我會第一時間去剪髮，因為已經半年沒剪髮了，而今次我會剪得好短呢！」Sarah喜歡「扮靚」原來是受「鐵血車手」黃蘊瑤影響，而Jamie昨日出戰前亦特別為自己十指「裝身」，由於Jamie每次出外比賽都會帶齊各式美容扮靚架生，故美甲可以ＤＩＹ不求人：「是我自己整的，上次參加記分賽時因沒有整指甲，結果就炒車，所以今次出戰公路賽特別整一整佢，當係護身符啦！」