在今屆亞運再獲三金嘅南韓飛魚朴泰桓，事業如日方中，不過南韓媒體日前爆料，指21歲嘅朴泰桓已計劃好完成兩年後嘅倫敦奧運後退役，他已明言廣州亞運是他的亞運告別作，而到機場接機嘅朴泰桓爸爸，亦希望愛兒能早日成家立室。
朴泰桓曾與Wonder Girls成員先藝及花滑小天后金妍兒傳過緋聞，但朴爸爸卻希望有個平凡新抱：「我冇期望佢會與出名嘅女孩結婚，只要心地善良就可以。」另外，據聞朴泰桓在1500米自由泳不敵中國超新星孫楊後，會在明年嘅世界賽放棄1500米，集中火力於強項800米爭金，然後便會高掛「泳褲」。另外盛傳朴泰桓將出任閉幕禮南韓持旗手。