今日係國際賽檔期，香港對巴拉圭又係國際A級賽事，故唔少外國莊家都有開盤。英國威廉希爾就開出巴拉圭客勝1.25倍，和波5.5倍，香港贏波12倍嘅盤口，睇嚟外國莊家都唔多信香港會爆冷喎！
巴拉圭喺世界盃後踢咗五場熱身賽，取得二勝一和二負成績，如果計盤路就係二勝三負，不過以今仗讓得最辣，目前唔少外圍莊家開出巴拉圭讓兩球盤口，雖然巴拉圭今次唔算「夫添」，但香港同樣冇首席射手陳肇麒，故業界人士估計，今場買上盤嘅注碼會較多。