據《紐約時報》報道，洛杉磯高等法院正處理一宗涉嫌違規賭博嘅案件，一向形象健康嘅瑞士天王費達拿更牽連在內。事緣費天王經理人哥西克嘅公司IMG，一名叫科士文嘅高層曾參與06、07年法網決賽費達拿對拿度嘅賭博。有指科士文喺兩場決賽前收到費天王嘅內幕消息，兩年都投注費達拿贏，但最後費天王兩場比賽都輸晒。費達拿回應事件就話好無稽，自己好遺憾被牽涉其中。