馬納當拿喜愛紋身就係人都知，右臂紋咗阿根廷革命鬥士捷古華拉，左腿就有古巴領袖卡斯特羅嘅頭像。至於兩位囡囡及外孫嘅名字同樣刺於馬納當拿身上。不過有個紋身就比較古怪，就喺手臂上寫住「我不恨美斯」字句。馬納當拿就叫大家唔使咁緊張，只係覺得身體上應該有美斯個名，並冇特別意思。