「魔獸」杜域侯活出晒名花心蘿蔔，之前兩名女友分別幫佢誕下愛情結晶品，但下場都係被飛！呢位NBA第一中鋒最近又被爆有新歡，仲係一名啱啱畢業嘅大學生，基於呢位名叫Christine Vest嘅少女係校花級人物，亦係籃球校隊成員，喺「o靚界」有一定名氣，有唔少球迷就喺網上留言，大讚杜域侯活夠眼光，當然亦有人批評佢花心。