「綠軍」熱身賽標青
近年兩隊交手成績可謂一面倒，近十次碰頭塞爾特人贏咗九次。不過熱火獲得勒邦占士同保殊加盟後，呢啲數據大可掉埋一邊，因為「大帝」君臨熱火，正正係為咗開創歷史！
好多人都想喺季前賽一探熱火虛實，不過三大王牌輪流受傷，喺季前賽一齊亮相嘅時間只得三分十七秒，所以根本冇人知道熱火嘅真正威力有幾大，最令人擔心係「閃電俠」韋迪嘅傷勢，雖然有消息指佢今場可上陣，但狀態亦未必好。
「綠軍」方面，球隊嘅季前熱身賽成績唔錯，近四仗全勝，不過中鋒謝美奧尼爾及柏堅斯都有傷，後者肯定缺陣，睇嚟奧尼爾今場要孭飛！