講到NBA，點少得舞藝精湛嘅靚女啦啦隊。新一屆中國NBA啦啦隊選拔賽嘅總決賽今日舉行，躋身最後五強嘅「寶貝」將進行渾身解數嘅比併，爭奪「中國第一啦啦寶貝」嘅稱號。
今屆選拔賽已經係第二年，主要畀一啲夢想踏足NBA舞台嘅美少女一個機會，今屆比賽進一步擴大到全國逾百個城市，共舉行逾五百多場選拔賽，總共吸引十萬多人參加，躋身最後十強嘅選手可以到美國接受啦啦隊訓練，更有走到NBA比賽場地作激情演繹嘅機會。現役嘅NBA啦啦隊於早前選拔賽已作傾情演出，為後起之秀作參考。