問：香港三年前舉辦過呢項賽事，咁快又揀番香港？
答：因為英超喺香港一向好受歡迎，係英超四個主要市場之一，上屆北京賽事結束後，好多人提議再搵香港合作，而且反應熱烈，幾經考慮終於決定再喺香港舉辦。
問：咁早決定參賽球隊，布力般流浪降班點算？會唔會由利物浦補上？
答：我哋搞咗四屆，都未試過因球隊降班而換球隊，可能佢哋有「免死金牌」，我哋亦對被選中嘅球隊有信心。就算萬一降班，利物浦都唔會補上，我哋會盡量安排從未參賽嘅球隊出席。
問：搞咗五屆，點解曼聯同阿仙奴從未參賽？
答：曼聯每年都有自己嘅季前集訓計劃，阿仙奴就好少出外集訓，更加唔想去遠東，不過賽會每次都會發信邀請佢哋，希望有朝一日佢哋答應出賽啦。