李靜激鬥3項唔認老餅

望市民赴穗打氣

上屆與高禮澤在男雙贏得金牌的阿靜，今屆改與張鈺出戰男雙，這位剛與阿澤齊齊得獎的香港「傑青」坦言：「攞金牌係每個運動員都想，希望市民多啲支持，買飛去廣州睇我哋打波。我同張鈺默契應該冇乜問題，最重要係我哋都維持到嗰份激情，配合得好就好有機會。」

男隊教練陳江華對兩對男雙都有期望：「其實兩對都有優勢，有期望、但冇信心，要保住金牌的確困難，希望廣州算係半個主場有啲幫助。」「華哥」續稱唐鵬等隊員亞運前會到歐洲比賽，期間可與施拉格為首的奧地利練習作備戰。