由宣傳女郎到球隊大使
究竟係邊位「高人」諗到用「Fit Baby」打氣呢條絕世好橋呢？Fitboxx市場部經理Jason話：「LuLu最初只係我哋公司嘅Promote Girl，負責喺旺角幫手派傳單，但我覺得呢個女仔好親切、樣子又清純健康，好配合我哋健康器材產品嘅形象，於是就開始搵佢拍廣告。今年我哋成為大埔球衣嘅心口贊助，於是就諗到搵LuLu呢個生招牌，等每次球隊主場出擊都去打氣，就由佢擔任球隊大使！
事實上LuLu喺球場活潑嘅表現深受各界歡迎，唔少球迷、網友都留意到佢。其實咁樣真係互惠互利，因為無論係LuLu、大埔或者係我哋，都可以爭取多啲曝光率，達到令人非常滿意嘅宣傳效果。」