港隊得失分率飲恨只爭季軍
香港代表隊由於身材輸蝕加上手風欠順，昨晚在灣仔修頓室內場舉行的亞洲職業籃球挑戰賽最後一場分組賽，以42比79輸給CBA球隊東莞新世紀，雖與馬來西亞明星隊和泰國Thew隊同為1勝2負，但計得失分率卻未能殺入決賽，只能和泰國隊於明天（周二）爭季軍，而冠軍戰則由東莞對馬來西亞。昨日頭場泰國Thew隊以67比65險勝馬來西亞明星隊，嘗得首勝。
Bear初試啼聲受重用
由於同日早場馬來西亞輸給泰國，故只要香港最後一場贏波即可入決賽，可惜球隊發揮欠佳，未能把握主場之利，失去贏波機會。東莞新世紀就藉顧全取得全場最高的15分，以37分大勝，3戰全勝打入決賽。
至於身高1米72的Bear梁民熊今賽初披港隊戰衣出戰國際賽事，雖是籃球場上的矮仔兵，卻在3場分組賽都以正選上陣，證明實力非凡。他笑言小個子有小個子打法，不只要速度快、外圍準，平時打波更要蠱蠱惑惑，令人防不勝防才可出奇制勝。他稱：「常常都面對比自己高的球員，只要留心空位，一樣可以入楔得分。」
昨日戰果
泰國Thew 67:65 馬來西亞明星隊
香港 42:79 東莞新世紀