法國半隻腳踏入台盃決賽

台維斯盃網球賽世界組四強戰開打，剛獲得美網亞軍嘅祖高域因病暫未能上陣，但憑着隊友帖沙華域爆冷贏捷克嘅溫網亞軍博迪克，為塞爾維亞總成績追成1比1，而祖高域稍後可能復出玩雙打。法國對阿根廷嘅另一場四強戰，九屆冠軍法國贏晒兩場單打領先2比0，離決賽只係一步之遙。