澳洲美女飛魚萊絲「衰多口」惹禍！呢位北京奧運金牌名將日前睇完澳洲贏南非嘅一場欖球賽後，喺Twitter話「好波呀，你班同性戀男！」雖然佢及後立即刪除留言，但仍然受到各方批評，佢嘅其中一個贊助商Jaguar更決定同佢中止合約。眼見事態嚴重，萊絲尋日急急召開記者招待會鄭重道歉，並且聲淚俱下，自責講錯話，希望各界原諒。