屯門以上季乙組亞軍升班，今季雄心勃勃，號稱班費五百萬元，這支與屯門普高毫無關係嘅地區球隊，先後簽入門將魏釗，馬肇均及陳衍光等甲組腳加盟，四名塞爾維亞外援助拳，密謀爆冷！
今季嘅屯門其實似足四年前初升甲組嘅大埔，一切由零開始，並堅持用番並無甲組經驗嘅屯門土炮球員，每日勤力操練，並號召街坊入場支持。
回想當年嘅大埔，港甲聯賽有港會同香港08墊底，大埔先至僅僅護級成功。今季港甲只得港會，雖然屯門早前在天后廟求得上籤，但今季能否避免成為列強點心仍係疑問？