紅魔歡樂小姐索爆
樂比仔今次參觀奧脫福，較為特別係被邀出席曼聯官方電視節目「Live at the Red Cafe」，呢個一小時現場節目，係喺奧脫福Red Cafe舉行，球迷一邊飲啤酒，一邊同主持及名宿吹水，確實幾寫意。
現場節目畢特甩底
原本今集係由畢特出任嘉賓，點知呢位剛掛靴球星甩底，改由前曼聯領隊麥堅尼斯頂上。老實講，佢六九至七○年做曼聯領隊時，樂比仔都仲未出世，所以對佢真係提唔起太大興趣。
反而節目亮點係觀眾旁邊嘅「歡樂小姐」，佢雖然只係負責遞咪畀啲現場觀眾，但卻甚受球迷歡迎，可能係同佢樣貌省鏡、身材惹火有關，好多球迷喺節目完咗之後都要求同佢合照，而佢見到記者影相，仲即時攬住麥堅尼斯咀番啖。咁識做，難怪咁受歡迎啦！