舊紅軍麥馬漢社區盾捧紅魔
象徵英超球季開鑼嘅社區盾將於香港時間周日晚上10時開戰，兩大勁旅車路士與曼聯正面交鋒。直播今場比賽嘅ESPN，昨日邀得港腳陳偉豪出席，與一眾評述員如利物浦名宿麥馬漢等大談心水。
「燒臘全」獨撐車仔
陳偉豪睇好曼聯贏波，因為車路士旗下嘅世界盃國腳未回復狀態，他說：「車仔近期友賽三連敗，反映出部分球員在參加世界盃後未夠休息而厭戰，反而曼聯狀態似乎較好，新加盟嘅查維亞靴南迪斯表現對辦，值得期待。」評述員江忠德及麥馬漢也睇好「紅魔鬼」，不過「燒臘全」彭錦全則力撐車路士，指出車仔上季英超曾兩挫曼聯，今季人腳又沒太大變動，有信心可以再贏。
對於有中國商人計劃收購利物浦，前紅軍中場悍將麥馬漢表示歡迎，他說：「無論甚麼國籍嘅新班主都好，只要是能夠拯救紅軍，我都會很歡迎。」他又希望黃健華成功收購球會後，可以開拓遠東市場：「我來亞洲工作五年，深悉利物浦喺亞洲好受歡迎，如果可以為利物浦開拓新客源，那絕對是一件好事。」
今屆社區盾將於周日晚10時在衞視體育台（now 671）直播，由彭錦全與邢安邦作中文評述。