學界神槍手有Say

王子維：自己對槍好有興趣，見到電影中警察揸槍，覺得好威風。家中都有ＢＢ彈槍，今次拎起真槍射擊感覺好唔同。我射槍冇乜特別要訣，亦唔覺得自己眼界特別好，可能係夠運嘅啫，現場導師話我有３槍連中同一個位置。
王子維（五旬節于良發小學）得分：42環

彭英杰（喇沙書院） 得分：48環
之前有打過War Game，算係有過用槍經驗，但射真槍都係首次，覺得有啲緊張，導師叫我唔好戴耳塞，感受一下槍聲威力。開第一槍時的確有畀後坐力嚇倒，每槍都要重新再瞄準，下次再有機會玩射擊嘅話，希望可以試吓難度更高嘅單手揸槍。

黃纓淇（賽馬會體藝中學）得分：42環
第一次玩射擊，秘訣係記緊要保持冷靜。由於每開一槍帶來嘅後坐力都唔細，所以射擊運動員都着上厚厚嘅外衣來增加身體負擔，減少射擊時嘅移動，能夠着起呢啲厚衫比賽，覺得射擊運動員真係好了不起。