雖然「老虎」活士離婚嘅消息尚未得到最終證實，但美國傳媒《國民問詢報》卻爆出活士本來準備展開第二段婚姻嘅內幕，該報聲稱活士原本想同「一號情婦」烏奇捷利建立新家庭，仲打算「製造」屬於佢哋兩人嘅孩子，但事情卻因為烏奇捷利染上毒癮，又上電視真人騷，令活士不滿「家」醜外傳，進一步摧毀佢嘅形象而打退堂鼓。據悉，活士同烏奇捷利都喜歡用藥物來提升性快感。