姚明拍賣信物做善事
【本報綜合報道】姚明將劉翔信物變賣！「欄王」劉翔喺兩年前，帶同一個變形金剛飛到美國送畀兄弟姚明，不過「小巨人」日前為咗公益，忍痛將該變形金剛拿出來拍賣，結果以價格100倍，10101人民幣高價售出，「劉姚」號召力果然非同凡響。
成交價10101「人仔」
為了公益事務，唔少體壇明星都會捐贈一些私物供拍賣商拍賣，所得金額將會全數捐出作公益之用。姚明日前就應邀拍賣網站，交出一個極具紀念價值嘅變形金剛出來拍賣，雖然該變形金剛並非甚麼限量版貴貨，但其值錢之處就係由「劉天王」劉翔親自送畀姚明。08京奧後，因劉翔受傷要飛到美國進行手術，當時佢就從中國帶來變形金剛送給好友姚明。
結果該變形金剛較原價高出100倍，以10101人民幣成交，據拍賣網站發言人表示，其實球星供私物拍賣已成潮流，除外地球星之外，內地如林丹及丁俊暉等運動員，同樣有交出物品拍賣，既環保，又能做善事。