拿莉莎係最新一期西班牙成人雜誌《面談》嘅封面人物，佢今次全裸上陣，仲紋咗西班牙國旗落屁股度，露骨程度令人咋舌。拿莉莎接受《奧萊報》訪問時表示：「世界盃改變我一生，一夜之間令我成名，世界各地嘅球迷都認識我，實在令我意想不到。」
巴國如奪美洲盃就裸跑
拿莉莎極速上位，下個目標就係進軍荷里活，追尋自己嘅夢想。不過，拿莉莎話唔會離棄球迷，佢仲向球迷承諾，會喺二○一一年美洲國家盃捲土重來，再次為巴拉圭打氣。
拿莉莎話：「如果到時巴拉圭奪得美洲國家盃，我就會兌現裸跑嘅承諾！」咁搞法，相信到時巴拉圭嘅球迷數字肯定急升！