【本報綜合報道】為紀念西班牙歷史性躋身世盃決賽，某大型西班牙公司利用太空氣球技術，將前鋒韋拿嘅戰衣送到距離地球33公里外嘅高空，寓意西班牙國家隊喺球壇高高在上。呢間公司原本以太空氣球服務著稱，之前曾經協助過多間航空公司進行近地太空試驗，送衣物可謂全冇難度。
據悉，如果西班牙能夠贏得世盃的話，公司會再送球衣上太空，但高度方面將會再一次調升。至於會唔會再揀韋拿件7號球衣，公司就會睇吓佢攞唔攞到世盃神射手大獎先決定。現時西班牙真係由地球威到上太空，相信遲早有人會將西班牙旗號插喺月球。