【本報綜合報道】歐洲足協主席柏天尼因病入院，據報係心臟出現不適。好彩助理人員及早將佢送入醫院，如果唔係後果不堪設想。但有報道指出心臟病只係傳聞，實際柏天尼係患上流感。
其實喺世盃舉行之前，已有微生物學家指出流感將會喺南非大爆發，呼籲當局要關注情況。而經檢查後，柏天尼一切正常，並已出院，可以出席西班牙對荷蘭的決賽。
此外，德國隊嗰邊亦有人中招。領隊勒夫率先「打敗仗」，發高燒達39度。而隊長拿姆及普多斯基都因病缺操，未來日子或有更多球員染病。嚟緊係世盃決賽大日子，唔排除荷蘭或西班牙有球員患流感缺陣，大家喺賽前不妨多加留意相關新聞。