千萬人流丁財旺爆
為迎接世界盃，香港各大型商場都增設了免費睇波專區，改變了港人以往落酒吧或茶餐廳睇波的習慣，更掀起了「商場睇波熱」！由於世盃並非家家有得睇，令到大批球迷都要在準決賽前（四強及決賽有免費數碼頻道直播）走到街上觀看賽事。今晚深夜決賽舉行，勢令「商場睇波熱」升溫至沸點！
信和集團商場推廣總經理蘇蔡潔蓮透露，奧海城全個足球推廣籌備近9個月，推廣費約港幣580萬元，較上屆世界盃上升15%，賽事期間人流達960萬，較上屆升22%，營業額達港幣2.32億元，較上屆升18%。而在德國對阿根廷的八強世紀戰就最熱鬧，當晚於場內及場外合共錄得35,500人，創下全日人流最高紀錄。另外，apm亦透露世盃期間的30日內，賽事的人流將達860萬人次，較上屆升約15%。
搶晒酒吧客
在「商場睇波熱」的背後，卻令不少經營酒吧業人士叫苦連天。於尖沙咀開樓上酒吧的Eric，坦言被商場搶了不少客：「本來預計世盃期間的營業額會大幅提升，但事實上有很多客都被商場搶走了，連啤酒商的宣傳推廣重點都轉移到那裏，現時每晚的生意也只能與平日看齊。」另外，旺角部分茶餐廳亦表示，本來80元的「睇波套餐」到今晚決賽都不敢加價，以免「趕客」。