【本報綜合報道】「英倫雙雄」咸美頓與畢頓目前在車手龍虎榜排頭兩名，究竟誰能笑到最後，車迷都很期待，一名11歲英國男孩提議這對麥拿侖車手來個打賭，負方要伸頭入坐廁，然後沖水，嚇得雙雄目瞪口呆。
「雙頓」昨在倫敦出席一間兒童復康中心作宣傳時，被一位康復男童曉士的提問嚇呆，曉士問：「你哋私底下會為爭總冠軍而打賭嗎？」
畢頓即回答：「我哋唔可以同任何人打賭，不能賭博。」然而咸美頓對住畢頓笑言：「或者用你嘅名車或其他就可以。」30歲的畢頓亦即戚戚眼眉稱：「我其中一架車？好似你（名車）比我更多喎，我已經係老人家囉。」此時曉士即插嘴：「輸咗嗰個要將個頭伸落坐廁，仲要沖水。」畢頓同咸美頓聽完，即時「O嘴」！